影片
更多
2011-11-23
64 瀏覽
離開左潮洲順後, 肥鄧, 串爆, 大聲同吹雞四人就沿路搵野食, 其間喺街上見到好鬼大隻老鼠, 四圍出沒, 完全唔驚人的, 亦都間接帶出九龍城呢一區嘅環境係比較污漕的! 正當遊街時吹雞忽然提出去城寨風味淨係食左乳豬, 可惜和議聲唔多; 之後吹雞又提議去食牛肉餅, 呢一次就一至和議; 黎得大聲呢一區, 又冇咩理由唔黎呢間食店, 於是黑食會之突襲亦正式展開!雖然黑食會裡每一個辦事人都一定黎過呢間食店, 但一齊黎就肯定未試過, 於是肥鄧就話去新店唔去舊店, 主要原因係坐得舒服啲! 入到去食店, 人唔算多, 坐底後大定就商議下有咩好食, 基本上牛肉餅食必食, 但為免太濟, 所以只柯打了兩件牛肉餅, 再加多一客牛肉鍋貼和羊肉鍋貼! 落完單後, 伙計行埋黎話呢張單未達最低消費的要求, 未加單前張單都已經八十幾蚊, 而最低消費係要每人廿四蚊, 呢間食店都要攪最低消費, 真係相當串咀; 於是大聲就簡簡單單柯打左涼伴雞絲海浙! 正所謂遲黎先上岸, 所以第一道登場的就係涼伴雞絲海浙, 涼伴雞絲海浙嘅賣相都幾精盈, 入口發覺清新爽口, 皆因海浙係非常爽身, 勁有咬口, 絕對唔韌, 配上青瓜新鮮清爽, 而雞絲嘅
雖然黑食會裡每一個辦事人都一定黎過呢間食店, 但一齊黎就肯定未試過, 於是肥鄧就話去新店唔去舊店, 主要原因係坐得舒服啲! 入到去食店, 人唔算多, 坐底後大定就商議下有咩好食, 基本上牛肉餅食必食, 但為免太濟, 所以只柯打了兩件牛肉餅, 再加多一客牛肉鍋貼和羊肉鍋貼!
落完單後, 伙計行埋黎話呢張單未達最低消費的要求, 未加單前張單都已經八十幾蚊, 而最低消費係要每人廿四蚊, 呢間食店都要攪最低消費, 真係相當串咀; 於是大聲就簡簡單單柯打左涼伴雞絲海浙!
正所謂遲黎先上岸, 所以第一道登場的就係涼伴雞絲海浙, 涼伴雞絲海浙嘅賣相都幾精盈, 入口發覺清新爽口, 皆因海浙係非常爽身, 勁有咬口, 絕對唔韌, 配上青瓜新鮮清爽, 而雞絲嘅肉質非常鬆身, 真係幾正; 話都冇咁快就已經清晒成碟, 不過食店並冇因此而停落黎, 而係將牛肉餅同鍋貼都放埋上枱了!
兩件牛肉餅四個人分, 一人有半件, 但店方強調唔會幫手剪開, 其實都可以理解, 皆因牛肉餅裡面係滿滿的湯汁, 剪開後湯汁就如缺堤般浸出碟裡, 不過為著可以分甘同味, 劏開牛肉餅嘅任務就由背份較高嘅肥鄧執行! 呢間食店嘅牛肉餅真係有一手, 牛肉餅嘅餅皮香香脆脆, 一啲都唔韌; 而肉汁亦勁多, 絕不乾身, 加上肉身鬆軟香濃, 真係食多兩件都唔太膩, 絕對係必食之選!
至於牛肉鍋貼和羊肉鍋貼, 每碟都有五件, 牛肉鍋貼就係一件好普普同冇驚喜的食物, 唔算好好食, 但絕不是難食, 鍋貼係煎得好香脆, 而外皮絕對唔韌, 但肉身唔香, 所以一般; 相反地羊肉鍋貼嘅餡料夠酥香, 湯汁亦夠, 直頭係欲罷不能, 如果本身嗜羊的, 咁羊肉鍋貼係絕對必食!
總括黎講食物水準不俗, 服務亦算友善, 環境光猛坐得較舊店舒服, 而價錢都可以啦, 未加單前係八十幾, 埋單時竟然係一百四十五元正, 細看之下發現涼伴雞絲海浙竟然要成六十八蚊, 呢道菜相對地貴, 不過都接及到! 突襲完清真寺後, 每個人都已經非常之飽, 但黑食會當然並未因此而結束啦, 下一站將會係大聲嘅至愛 – 甜品! 是次笑臉值得一比, 有機會都會再黎!
張貼
