Subway (已結業)

離開左陽光與海灘嘅沙巴, 黑食會當然唔會就咁散場啦, 而下一站就鎖定左呢間食店, 最主要原因係串爆從來都未黎過, 為左令串爆係2011年有個豐盛嘅人生, 肥鄧, 大聲同吹雞決定成人之美!一街之隔就黎到呢間食店, 入到店內當然唔多人, 皆因時間都接近晚上九點, 坐底後就睇等串爆揸旗, 只見串爆揀左好耐, 最後就揀左意大利經典同火雞火腿煙肉芝士堡, 而款都揀左六吋潛艇堡, 每個包都配上曲奇和汽水!當串爆攞到埋枱時亦係分贓嘅時候, 呢一刻梗係要比串爆揀先啦, 不過串爆, 肥鄧同大聲揀咩已經唔記得, 只知吹雞揀左意大利經典; 一攞上手發覺, 包身暖暖地, 放入口發覺包身勁鬆軟, 而醬汁亦多, 啱晒胃口, 而餡料配上蕃茄, 酸瓜, 同火腿等, 蕃茄新鮮甜美, 酸瓜酸中帶少少甜, 勁惹味, 整個意大利經典真係絕對經典, 冇得頂, 食得嗰三吋好似少左啲咁! 總括黎講食物質素維持一貫的高水準, 服務有禮, 環境舒服乾淨, 而價錢就唔記得, 皆因好似係串爆做東, 既然唔使錢當然係超抵食啦, 不過就算要比錢, 仍然係抵食! 是次笑臉當然值得一比, 有機會當然要再黎, 而黑食會之還串心願亦總算完滿結束,