裕富小廚 (已結業)

「裕富小廚」〜點心必然之選！大圍區質數比較好的點心店，個人認為有2間：一是我介紹過的「名點」同埋以下這一間~ 「裕富小廚」！今天買了點心外賣作為午餐！「鵪鶉蛋燒賣」食過很多次了！所以今次無買，好味！都不用介紹了。我要介紹一下我至愛的「咖哩魷魚」！其實這裡的「咖哩魷魚」都好好味架！分量多又非常之~~夠味（見到色水都知有幾入味啦！）好正！魷魚迷必食！！「蝦餃」今次個皮都幾薄，饀料內的蝦都夠多，唔錯！* 其實有時佢蝦餃嘅皮，一時厚一時薄，一時比較粉（淨係計蝦餃，平均水準都係「名點」蝦餃好食D！個人意見）「燒賣」保持正常水準。「山竹牛肉」（喼汁另上）牛肉彈牙又大大嚿，唔錯！「鮮竹卷」裡面饀料有西芹、豬肉、紅蘿蔔絲！因我不食西芹，所以興趣不大。媽媽就鐘意食！「叉燒飽」size 都幾大個下，保持正常水準，好味！「糯米雞」裡面好足料！有鵪鶉蛋、雞肉、臘腸少少、菇..等。可能size太大隻關係，個糯米雞蒸得不夠透，有些位置d飯比較生唔夠熟（以前都試過），同埋裡面醬汁比較少。另外，推介「鳳爪」、「雞扎」都不錯架！總括而言，「裕富」水準比較穩定，價錢亦比較合理。設有堂食及有小菜，但客人多以食點心為主。咁多