蒸廬

營業中

休息中

特登去石門食點心拼盤，可以一次食都多款傳統點心，而且食物改良，比傳統既健康。疫情下，堂食既人少左，但都幾乎滿座。當日12點到，唔需要等位。好多人選擇外賣添，仲有優惠。點心拼盤($55)，一共有9件，其中幾款糕點都好出色，馬蹄糕甜而不膩，馬蹄粒爽。而馬拉糕香，紅棗糕就煙靭。芝麻包，必點，外觀係雲石紋路，而芝麻餡多到滿瀉，1客3件，熱辣辣。煎腸粉，外皮帶少少焦脆，加入蔥花、蝦米仔等材料，香口。抹茶紅豆餅，豆沙餡同樣多，抹茶味唔算濃郁，外皮帶煙靭口感，豆沙餡甜度適中。不過略微油膩，望落煎餅油光閃閃，如果再用少d油煎，會更好。整體，慢慢嘆杯茶，食個點心，好寫意。