龍泉冰室 (已結業)

九龍城好多好嘢食， 今日幫襯嘅係一間茶餐廳， 係擁有傳統港式風味嘅茶餐廳。蔥花叉燒粒炒蛋菠蘿包，$34。 呢個係即叫即整嘅， 點餐之後大概等咗十分鐘 就上碟， 熱辣辣嘅菠蘿包 隔住張枱 都聞到一陣香味， 呢種香味唔止菠蘿包仲有一陣好香嘅燒味味道。 口感方面， 由於係啱啱焗好出嚟嘅菠蘿包， 個皮係非常之脆， 加埋裏面嘅叉燒炒蛋， 就正好做到外脆內軟嘅口感， 所以無論口感同味道層次都非常豐富。加八蚊享用龍鳳檸樂， 感受下傳統茶餐廳嘅感覺。