千樂燒味餐室 (已結業)

剛剛到新公司返工，同事話有間新嘅燒味餐廳開咗無幾耐，就一齊行遠少少食燒臘飯！食飯時間通常都好多人，所以諗住都係買外賣返公司食，不過今日去到啱啱有位，小店都算坐得幾舒服架啦。選擇困難症發作都諗唔到食乜，咁見到有食神嘅「黯然銷魂飯」，就試下佢啦。$50幾蚊喺呢區又唔算太貴嘅，但係對比起以前公司就貴DD，不過舊公司喺工業區，都好難比較啦。 落咗order都唔使等太耐就有得食，份量都足夠，最尾食唔晒咁滯。粒粒分明嘅飯粒配上蛋黃及燒味汁，送飯就一流，食下食下就會食咗好多飯。菜心不算嫩但也不老，叉燒7分瘦3分肥，肉質算係偏瘦，不過食落係腍身，唔會好乾好柴。可再改善嘅係太陽蛋，蛋白熟、蛋黃生的效果係做了，不過如果太陽蛋可以煎到更加燶邊就最好味，焦焦脆脆，簡直係煎蛋的最高境界。