鼎爺私房菜 (已結業)

新年最期待既一件事除左係逗利是之外，就係可以食賀年糕點。今年新年食到「鼎爺私房菜」出品既班香椰汁年糕同埋阿爺芋頭糕。阿爺出品，果然無令人失望！每款糕點都係嚴選上乘食材，秉承古法秘方足料炮製，完全不含防腐劑，而且係香港新鮮製造。班香椰汁年糕。呢個真係個人黎講非常中意，充滿驚喜。平時既年糕可能會比較甜膩，但呢個完全唔會入口係濃濃既斑蘭椰子香，整體好清新。而且口感仲好軟糯煙韌，無論係煎定蒸都咁有風味。另一款阿爺芋頭糕亦同樣出色！好少可以食到咁足料既！芋頭糕口感軟滑，入面加左臘腸、臘肉、潤腸、蝦米等，亦食到芋頭粒，味道層次都好豐富。除左呢兩款糕點，仲有家鄉蘿蔔糕同埋千層馬蹄糕都好吸引，等有機會下次一定要試下先！