鼎爺私房菜 (已搬遷) 新店位置

環境3分：人地原盒送，冇入過去攞，冇得評，所以三分。衛生5分：月餅紙盒有塊玉，拉出黎入面只有三隻月餅，全都有獨立包裝，仲加多把鼎爺刀切月餅，衛生可以畀滿分。服務3分：人地原盒送，冇感受過服務，所以冇得評，又係三分。味道-1分：鼎爺個雙黃白蓮蓉月餅外皮唔得光澤，先扣佢一分。用佢把刀切開，一睇就已經知佢唔夠料，兩隻蛋黃縮到呢，仲以為八月十五玩月食，起碼要扣多佢兩分。Ｄ蓮蓉又乾又唔得滑，又要扣多分，變負分。抵食-1分：今年食左幾間雙黃白蓮蓉月餅，只係計切出嚟個賣相呢，鼎爺果個已經輸九條街，食埋仲輸多幾錢重，要畀錢買嚟食就勢係假，唔抵就要負佢分。