Mad for Garlic (已結業)

同朋友約左去log-on揀xmas party既禮物，行到有d餓，就去搵食我地揀左Mad for Garlic。店內座位非常舒服，卡位空間十足，適合3-4人朋友聚會，有私人空間，大聲少少傾計都唔怕嘈到人。由於係late dinner，唔想食太飽，我同朋友只叫左兩款主食:MFG招牌意大利薄餅材料包括蝦、菠蘿、炸蒜片，個pizza係我最鐘意既薄批，個邊脆脆地，焗之前已經鋪滿芝士，焗完出黎仲會將芝士刨絲加係面，double cheese啊Pizza上加炸蒜片呢個配搭好新穎，又脆又香口，而且我食到pizza有少少檸檬香，所以食多兩塊都絕對唔會膩。 熱板烤MFG招牌美國肉眼扒 配蒜頭山 美國肉眼扒以鐵板形式上枱，叫蒜頭山真係冇錯，因牛扒上鋪滿炸蒜片&蒜泥，差d見唔到牛扒既蹤影。餐廳好細心，牛扒下面墊左兩個大洋蔥圈，防止塊扒過熟，落單時侍應問我地要幾成熟，我地叫左5成，只可惜切開時我地發現扒已經接近9成熟，洋蔥圈作用不大不過食落塊牛扒都唔鞋，仲有少少肉汁，加埋濕濕地吸收左燒肉汁既蒜泥一齊食，牛扒既肉香加出。用膳期間侍應不停幫我地refill水，態度好好，抵讚