The Captain’s House (已結業)

早前去左行圍方，朋友提議食西餐，所以先擇The Captain’s House ，入到去好有聖誕氣氛，心情大好。前菜方面嘅船長沙律色彩繽紛，又紅又綠，當中嘅蜜柑非常香甜，牛油果亦都好軟，正式為我哋嘅晚餐揭開序幕。路易斯安那式蟹餅用上熱pan端上，勁有架勢，而且圓轆轆嘅蟹餅鹹香適宜！波士頓龍蝦闊條麵足足有半邊龍蝦，蝦膏都幾多，肉身實淨鮮甜，闊條麵嘅醬汁濃郁。至於招牌手工蟹肉漢堡更加係份量十足，中間啖啖蟹肉，加上即炸薯條🍟好豐富！最後嘅甜品有提拉米蘇，咖啡味同忌廉配合得唔錯，倆人分亦都唔會過分有負擔！圍方新分店環境確實舒適，我誠意推薦俾大家得閒可以去試試。