Master Kama (已結業)

Master Kama 是一家舒適的樓上餐廳，店內不停播放音樂，又有梳化位，我哋坐在店子一角，可以玩同大龍蝦拍照，又可以靜靜地傾計。食物款式多，小食主食西日混合，最吸引我的是各款龍蝦食物。先喝一客龍蝦湯，樣靚味美，湯頭非常濃郁，藏有大大件鮮甜的龍蝦肉，配件麵包都特別過人，長身多士配了一些蔬菜，好滿意。賣$188啲龍蝦包，點咗本來有啲肉痛，但原來真係好好食！唔係用好硬的法包，而係普遍軟熟麵包但烤至有些脆，龍蝦肉份量多，而且白色的檸檬牛油汁勁夾，仲配沙律、炸薯條，一個人夠飽，最重要係美味，咁就物有所值。龍蝦茶壺蒸，蛋夠滑，有件龍蝦肉唔嚡，過得去，但唔夠日式料理店的鮮。最後的鮮茄虎蝦扁意粉比較失色，我覺得蝦太爽無蝦味，建議煎香佢，用新鮮番茄做汁值得讚。晚餐每人$250左右，食4款食物，合理。