龍麵館 (已結業)

今晚同另一半玩過AIA後，另一半一早找來這間專食龍蝦的。一聽都知唔會平得去邊啦。見過食評知道必食之選。龍蝦酥，以極速上菜，同蘿蔔絲酥相似，只是轉做龍蝦肉。而且微溫。飽滿龍蝦肉，蝦肉一點都唔爽，不過整體鬆化，調味偏淡，雖然碟上有龍蝦頭尾，但都感覺不足一隻龍蝦肉。（約兩件龍蝦酥有一隻龍蝦肉）再加上溫度。。。所以有點失望。。。一樣快速上菜的龍蝦麵，比龍蝦酥熱點點，龍蝦肉爽，湯底有龍蝦味，但個麵就一般，而且配菜有點格格不入。原本就此結帳走人，但隔離枱傳來陣陣香氣，另另一半十分想加料，所以。。。今次有個正常的食物溫度了，避風塘十分足料，香氣十足，微辣，終於為這度龍蝦餐爭回點分數。話明龍蝦，當然唔會平，兩個人三度菜連加一收九百幾，性價比低，而且食物溫度是失分重點，調味一般，更加唔好問我飽唔飽，相信唔會再光顧。店內環境中式，清潔，枱細，幽靜。最後值得一講是這個竹簡茶水單是比較有特色的。