御名園

營業中

休息中

女朋友今晚想食中菜，朋友推薦左荃灣呢間高級中菜廳。環境非常好，高樓底，位置好寬敞，食得好自在好舒服。而家佢地侍應既服務態度非常好，好有禮貌，我地一舉手都好快行過黎幫手。晚市組合B ($ 318)上湯焗波士頓龍蝦伊麵龍蝦好新鮮爽脆，完美配合伊麵，醬汁奶味比較重，好夾好好味。神灣菠蘿咕嚕肉唔會太酸又唔會太多汁，甜甜地恰到好處，即時煮起時肉汁鎖住係入面，外皮脆口，好食。陳皮脆香燒鵝皇 ＄88 例牌例牌都咁大碟，香脆既外皮係燒鵝既靈魂所在，加埋酸甜醬真係一流。仲比埋鵝脾位，而家諗起都流口水。清蒸海沙巴斑 （約一斤） ＄148唔多骨，肉質亦鮮嫩多汁，配埋飯食真係開胃，食十碗飯都唔夠。金蒜銀絲蒸鮮元貝 2隻 ＄38 一隻好新鮮大大粒，師傅既時間控制岩岩好，好鮮甜。