The Point - Pizza & Pasta (MegaBox) (已結業)

最近見好多地方開左the point，剛好行過原來megabox都有分店，即刻入去試下Menu其實有好多特色選擇，但見到menu有龍蝦盛宴嘅menu，前菜主菜及飲品都岩心水，就呢個餐唔洗煩。首先黎嘅係龍蝦湯，味道甚濃帶鮮，而不死咸，仲有兩粒龍蝦肉前菜鮮蝦牛油果芒果蕃茄莎莎，每人一小杯色彩繽紛，好有夏日嘅感覺等大概15分鐘，主菜都上枱，熱焫焫嘅原隻波士頓龍蝦海鮮煲配扁意粉，原隻波士頓龍蝦非常吸睛，已旁邊仲有青口，魷魚及沙白，口感彈牙飽滿，新鮮度滿分。扁意粉混滿鮮茄汁醬，好開胃； 壓軸嘅波士頓龍蝦啖啖肉，好香口。一直有小小嘅青蘋果梳打伴餐，好清新☘️