Green Orange

上環一向都比較少去，今次得知呢間西餐做緊二人套餐$1加購1隻法國斯朗生蠔🦪，兩個人最多可以叫10隻，咁抵就緊係要去支持下！🤩黑松露蟹肉多士🔥多士烤到好香脆，幾款蔬菜嘅新鮮清甜配合返黑松露嘅濃味平衡得宜！👍🏼烤蜜糖啤梨半巴馬火腿沙律🥗經烤製嘅啤梨加埋蜜糖滋潤好味，而巴馬火腿嘅鹹香同前者形成強烈對比，衝擊味蕾，層次豐富！🤤海鮮湯🍲口感creamy而且蝦味勁香濃，真材實料！非常之有水準！🤩慢煮阿根廷紅蝦羽衣甘藍香草醬意大利麵🍝紅蝦煎封至金黃色，蝦肉爽甜，香草醬味濃，配合彈牙意大利麵掛汁一齊食更惹味！😍10oz美國頂級西冷牛扒🥩🇺🇸牛扒表面焦香，內部熟成度剛剛好，肉質鮮嫩牛味重，而且份量十足！😎甜品方面就分別揀左焙茶焦糖燉蛋同埋心太軟伴雲呢拿雪糕，焦糖燉蛋表面甜脆，蛋漿焙茶味同蛋味都勁濃厚！呢度仲有寫字畫碟服務添，非常貼心！👍🏼而心太軟朱古力夠濃郁，內裏呈現流心狀態，加埋雪糕一冷一熱嘅感覺勁滿足！😌