波仔

營業中

休息中

波仔真係好方便，一出油塘站B出口就有呢間專門店，有湯、飯、菜、甜品都有，價錢仲好實惠👍🏻，如果屋企有微波爐就真係10分鐘就可以開飯。今次行川菜路線，揀左以下：水煮牛肉（$39），都幾正宗嘅四川菜，牛肉薄片，有啲芽菜木耳絲，仲有花椒，辣得過癮🌶️。麻辣雞煲（$39），分別係雞搥同雞翼🍗，超入味，辣度就無水煮牛肉咁強烈，醬香味較重。馬拉盞通菜（$13），就咁擺落微波爐叮4分鐘，🥬加馬拉盞醬就食得。好爽脆惹味。白飯（$8），🍚其實份量都幾大，細食嘅可以兩個人分都得。屋企如果無微波爐，可以係店鋪揀預熱嘅款式♨️，亦可以連包裝擺落鑊煮加熱，好方便架。