影片
更多
2024-10-13
481 瀏覽
#陳記燒臘飯店 喺網上多咗好多人品提呢間陳記，話佢嘅性價比幾高，坐落喺旺角新填地街街口位，價錢唔算太平民，燒味雙拼飯$52，燒鵝$88以上。叫咗肥叉燒肉飯，店員話叉燒盡量肥但唔係同我講，係同我之後嘅客講，$52嘅雙拼飯賣相幾唔錯。叉燒算唔算肥見仁見智，但最起碼夠腍見到有燶邊。燒肉佢畀咗更受歡迎嘅腩仔，可惜唔啱我杯茶，因為我唔鍾意腩仔嗰種特別嘅味道，我就係鍾意燒肉少少瘦得嚟帶鹹香。本身冇包例湯，加一碗要$10。非常足料滾熱辣，紅蘿蔔夠甜係靚料，雞腳入味，青紅蘿蔔湯味道唔錯，單論呢碗湯$10抵比。如果淨係食呢間餐廳，$62食到一個唔錯嘅雙拼飯加一碗熱辣辣又足料嘅湯，性價比確係高。但如果對畀埋唔同區分較有名氣嘅店舖，好似柴灣新桂香，上環龍邦等名氣店，同樣嘅食物呢度就比佢哋貴。整體嚟講食物質素都可以，冇比較冇傷害，一比性價比即降低。仍然努力追尋心目中最愛嘅燒肉味道。陳記燒臘飯店旺角新填地街250-254號地下D號舖
喺網上多咗好多人品提呢間陳記，話佢嘅性價比幾高，坐落喺旺角新填地街街口位，價錢唔算太平民，燒味雙拼飯$52，燒鵝$88以上。
叫咗肥叉燒肉飯，店員話叉燒盡量肥但唔係同我講，係同我之後嘅客講，$52嘅雙拼飯賣相幾唔錯。叉燒算唔算肥見仁見智，但最起碼夠腍見到有燶邊。
燒肉佢畀咗更受歡迎嘅腩仔，可惜唔啱我杯茶，因為我唔鍾意腩仔嗰種特別嘅味道，我就係鍾意燒肉少少瘦得嚟帶鹹香。
本身冇包例湯，加一碗要$10。非常足料滾熱辣，紅蘿蔔夠甜係靚料，雞腳入味，青紅蘿蔔湯味道唔錯，單論呢碗湯$10抵比。
如果淨係食呢間餐廳，$62食到一個唔錯嘅雙拼飯加一碗熱辣辣又足料嘅湯，性價比確係高。但如果對畀埋唔同區分較有名氣嘅店舖，好似柴灣新桂香，上環龍邦等名氣店，同樣嘅食物呢度就比佢哋貴。整體嚟講食物質素都可以，冇比較冇傷害，一比性價比即降低。
仍然努力追尋心目中最愛嘅燒肉味道。
陳記燒臘飯店
旺角新填地街250-254號地下D號舖
叉燒燒肉飯
$52
36 瀏覽
0 讚好
0 留言
例湯
$10
48 瀏覽
0 讚好
0 留言
張貼
