影片
更多
2024-07-22
723 瀏覽
今日送太太去朋友聚會，人家Ladies Night，我就化身做孤獨的美食家。之前喺Openrice已經留意到呢度，不過啲餐牌就好似成年無更新過。所以都抱住試吓運氣，睇吓價錢有咩改動。點知⋯咁平嘅喂！？係真唔係呀！？即刻會一會佢先！入到去，侍應：manager就畀咗個QR code我落單。當然都仲有普通餐牌給我參考：我二話不說，點咗$79超抵食嘅澳洲穀飼牛扒300g，即係有10安士咁多㗎喇。見到追加其他肉食有半價，不過做人都係唔好咁貪心。店內環境四四正正，有湯飲有沙律食，仲有白飯任裝、紫菜任加。我就當然樣樣都拎啲啦侍應哥哥送牛扒上枱嘅時候，張紙係蓋面，防止滾油彈到周圍都係，係有花心思嘅：聆聽着充滿懷舊感的日文歌，慢慢將牛扒切成細塊，都舖滿成塊石板呢。牛扒充滿肉味，香氣撲鼻。沙律清新，拌胡麻醬一流。湯內有滿滿的蘿蔔同肉，十分清甜！紫菜蓋飯，拌牛扒，食到停唔到口最後，我食咗一碗沙律、兩碗湯、三碗紫菜蓋飯。埋單了，連加一都係$87，$100有找。性價比高，又飽肚。開開心心回家去！
人家Ladies Night，
我就化身做孤獨的美食家。
之前喺Openrice已經留意到呢度，
不過啲餐牌就好似成年無更新過。
所以都抱住試吓運氣，睇吓價錢有咩改動。
點知⋯
咁平嘅喂！？係真唔係呀！？即刻會一會佢先！
入到去，侍應：manager就畀咗個QR code我落單。
當然都仲有普通餐牌給我參考：
我二話不說，點咗$79超抵食嘅澳洲穀飼牛扒300g，即係有10安士咁多㗎喇。
見到追加其他肉食有半價，不過做人都係唔好咁貪心。
店內環境四四正正，有湯飲有沙律食，仲有白飯任裝、紫菜任加。
我就當然樣樣都拎啲啦
侍應哥哥送牛扒上枱嘅時候，張紙係蓋面，防止滾油彈到周圍都係，係有花心思嘅：
聆聽着充滿懷舊感的日文歌，
慢慢將牛扒切成細塊，都舖滿成塊石板呢。
牛扒充滿肉味，香氣撲鼻。
沙律清新，拌胡麻醬一流。
湯內有滿滿的蘿蔔同肉，十分清甜！
紫菜蓋飯，拌牛扒，食到停唔到口
最後，我食咗一碗沙律、兩碗湯、三碗紫菜蓋飯。
埋單了，連加一都係$87，$100有找。
性價比高，又飽肚。
開開心心回家去！
張貼
