閩粵軒

營業中

休息中

閩粵軒位處ICC 101樓，可以飽覽維港全海景，最近更推出咗午市半價點心，性價比極高，非常抵食(優惠到2月尾), 每日午市都坐滿人，建議預先訂位😍😍😍😍😍😁😁😁⭐龍蝦燕窩金魚餃⭐金魚造型非常可愛，內餡以新鮮龍蝦為主，口感鮮嫩爽彈，燕窩配合蛋白芡汁，清香得嚟增添咗層次感⭐筍尖鲜蝦餃⭐蝦餃外皮薄透，鮮美蝦仁同嫩筍尖配合無縫，食到筍尖同爽脆蝦肉嘅鮮甜⭐翡翠带子餃⭐外皮呈翡翠綠，相當吸引眼球，帶子配上豆苗，清新滋味⭐松露羊肚菌餃⭐一入口就食到松露獨特香氣，羊肚菌口感柔滑，搭配微微鹹香，素食嘅蒸餃，味道依然豐富⭐星斑石榴粉果⭐選用咗名貴嘅星斑，配上傳統沙葛同埋蝦米，看似簡單，層次味道卻十分豐富⭐手打陳皮騸牯牛肉球⭐牛肉球口感彈牙，手打工藝令牛肉充滿肉汁，陳皮香氣增添咗獨特風味⭐生煎和牛包⭐和牛包外皮煎得金黃酥脆，肉餡係爆汁和牛，底部更以茶葉煙燻上枱，充滿儀式感⭐鱈魚窩夫春卷⭐窩夫外脆內嫩，鱈魚柔滑豐富，口感鮮美，搭配上特製的沙律wasabi醬汁，香而不膩⭐黄金蝦多士⭐蝦肉飽滿，鮮香爽滑，炸至金黃嘅顏色非常誘人，即點即炸，熱辣辣，好好味閩粵軒尖沙咀柯士甸道西1號環球貿易廣場101樓C號舖