小草屋潮家菜 (已結業)

早排聽朋友講黎呢度任飲任食都係１０３蚊，咁就特別黎呢度試下啦，見門口真係寫住９８蚊，我就問清楚ｄ職員加晒幾錢，咁見個價錢幾好就入去試下，入到去其實間野吾係太多人，不過有得坐卡位又有得睇電視，ｄ服務態度都幾好，會成日問你需吾需要加橙汁丫，我地睇電視又吾會成日遮住我地，不過我覺得佢地都幾鐘意返工睇電視＝．＝，呢度每位會送半隻乳鴿，同一碗吾記咩翅咁我地就點左１）蠔餅：我覺得好多粉漿，但男友話幾多蠔幾好食，佢仲叫左２次２）鳳梨排骨：意想不到幾好食３）咕嚕肉：都係酸酸甜甜，不過有ｄ　似鳳梨排骨陣味道４）乳鴒：係熱辣辣呢，估吾到任食都會送乳鴿，不過就細隻左ｄ５）鹵水拼盤：原來係得紅腸豬耳豆腐魚片，我覺得一般６）椒鹽魷魚鬚：我覺得炸得吾係太似平時打冷個ｄ，但當小食都幾好７）脆肉瓜炒蝦：我覺得好辣丫．．．不過鐘意食辣既人應該都吾錯８）鮑汁雞腳：無乜味道．．不是太好食９）時菜：ｄ菜好似吾靚，有ｄ黑黑地１０）翅：幾好飲ｗｏ，男友話見到有花膠＝．＝．．都吾知係咪．．．１１）橙汁：原來係果汁先生，但當然溝左少少水啦．其實呢度仲有啤酒任飲，呢度每一碟份量都吾少ｇａ，所以計返落同出街食都有著數，因為有埋乳鴒送都番