貓之茶房 (海防大廈)

營業中

休息中

囡囡一直都好喜歡小動物，見佢考完試，就準備個驚喜佢。就係帶佢黎尖沙咀既貓之茶房，地理位置非常方便，清真寺出口一出地鐵站對面就係。門口職員有提供紙拖鞋，捽手液，鞋架等，感覺非常好。職員亦有詳細解釋店內注意事項。入到去安頓好位置後，見到茶房非常體貼，有準備大膠袋一個給客人放置物件，避免黐上貓毛。店內環境非常舒適，充足既陽光射入加上播放住柔和音樂，書架上放置桌遊及書本，感覺好文青，就算唔想逗貓都係鬧市與好友談天的好地方。飲品方面老實講$10 杯抵到爛，味道亦不錯，芒果梳打建議簡少甜，菠蘿梳打入場費平日2小時$98，抵玩。買貓小食亦平，亦都好錫貓貓，一小時只賣3份。職員亦會幫貓貓梳毛。