影片
更多
2023-08-11
261 瀏覽
環境依然優美，楓葉 🍁 沒變也沒變舊，最愛這裏的原因一定是環境美外私隱度也極高，不用包箱也與朋友可不用看到其他客人嘅情況下享用餐點，朋友更為稱讚👍而且枱紙都好有特色，名有凹凸效果配合日文歌增添感覺，聽落舒服有氣氛，更勝一籌一定係服務好，絕對可以同fine dining 的服務及質素媲美，原因是店員會在一道菜吃完再試另一道菜，而且食物食落新鮮熱辣，即叫即做，叫我如何不愛呢？店員有禮貌也耐心解答問題，有問必答又有notes我好認同那位同事的專業，就似看回十年前的自己一樣，工作的熱誠太強了，老細見到要加佢人工呀❤️玄米茶🍵的骰嘅茶具精緻，對於我同朋友長期飲好多茶水嘅人，希望佢哋內心唔好咒罵我地🤣因為容器的骰，無限次要佢哋添茶，但佢確保到茶熱加分👍海帶漬物🥒先來個開胃漬物，食落爽口似食海蜇，幾開胃水雲番茄番茄漬 🍅蕃茄甜，水雲漬酸，有中和嘅感覺，水雲漬酸度高，開胃感大添，而且口感清爽胡麻蟹肉海膽凍豆腐 $88 🦀胡麻醬多又香，將醬汁倒入排好嘅蟹肉 ，海膽同凍豆腐上，好睇又好食😋雖然麻醬本身濃烈嘅味道，但都唔會蓋過蟹肉同海膽嘅鮮味，而且豆腐滑帶一點凍口感不錯👍特選刺身拼 🐟6点刺身分別有大拖羅，鰤
而且枱紙都好有特色，名有凹凸效果
配合日文歌增添感覺，聽落舒服有氣氛，更勝一籌一定係服務好，絕對可以同fine dining 的服務及質素媲美，原因是店員會在一道菜吃完再試另一道菜，而且食物食落新鮮熱辣，即叫即做，叫我如何不愛呢？
店員有禮貌也耐心解答問題，有問必答又有notes我好認同那位同事的專業，就似看回十年前的自己一樣，工作的熱誠太強了，老細見到要加佢人工呀❤️
玄米茶🍵
的骰嘅茶具精緻，對於我同朋友長期飲好多茶水嘅人，希望佢哋內心唔好咒罵我地🤣
因為容器的骰，無限次要佢哋添茶，但佢確保到茶熱加分👍
海帶漬物🥒
先來個開胃漬物，食落爽口似食海蜇，幾開胃
水雲番茄番茄漬 🍅
蕃茄甜，水雲漬酸，有中和嘅感覺，水雲漬酸度高，開胃感大添，而且口感清爽
胡麻蟹肉海膽凍豆腐 $88 🦀
胡麻醬多又香，將醬汁倒入排好嘅蟹肉 ，海膽同凍豆腐上，好睇又好食😋
雖然麻醬本身濃烈嘅味道，但都唔會蓋過蟹肉同海膽嘅鮮味，而且豆腐滑帶一點凍口感不錯👍
特選刺身拼 🐟
6点刺身分別有大拖羅，鰤魚，金目鯛，真鯛，牡丹蝦同帶子
大拖羅油脂豐富，牡丹蝦爽口，鰤魚肥美，帶子厚肉有口感，金目鯛和真鯛薄切口感細嫩鮮味足👍
刺身新鮮度高，同omkase新鮮度媲美
食完後蝦頭更可炸成天婦羅🍤，店員都再三溫馨提示可以炸，但本身唔愛食頭嘅我就唔麻煩師傅同店員了
七色彩虹卷🌈
一客八件，7色所以稱為7色彩虹卷
卷物上層分別用左5款唔同嘅刺身再加三文魚子同埋牛油果片形成七種顏色
刺身片會係三文魚，吞拿魚，油甘魚同2款時令魚，因為有時令魚所以有機會每次黎食都會唔一樣❤️
卷物包了蟹肉同牛油果粒，食落蟹肉同牛油果味好香好出，牛油果帶口感又唔會過熟令牛油果味都重
刺身唔似刺身拼咁油膩，所以完美地不蓋過卷物裡面蟹肉同牛油果味，但又帶一點刺身嘅鮮
重點係飯唔會太多好薄，食落唔會好哽胃，比例好完美，絕對係好花功夫👍👍👍
重點係我食到飯嘅餘溫，即係即叫即包，優秀😎
雲丹天婦羅小卷 🍙
呢個小卷用飯加紫蘇葉包住好多既海膽，唔油膩而且有層次感，先食到香脆後食到飯綿綿，先食到香濃嘅紫蘇葉味再食多海膽嘅鮮味，仲可以點旁邊嘅咖喱鹽食用，我個人認為因為本身係用咗壽司醋飯嘅關係，炸完會比原先未炸嘅壽司飯鹹味增添，所以就咁已經夠未，不過本身咖喱鹽嘅味道都好香，配搭一齊食都好夾
但一定要留意嘅係要小心好熱，因為佢真係即炸，而且飯同海膽嘅比例好似一比一，海膽量唔孤寒，所以都係我大愛❤️
自家免治雞肉棒串🍢
免治雞肉棒絕對係串燒嘅名牌之選，性價比高而且啖啖肉，自家製嘅關係比平日外面食既更大串，食呢個最緊要既一定係要配合醬汁同埋日本蛋，做到有口感而且味香😋
蝦湯鮑魚丼 🍚
黎到時已經聞到蝦既香味好濃郁
有兩隻鮑魚，一隻開3片方便食，而且有招頭唔會韌
湯飯食落因為蝦仔多，蝦嘅口感絕對香濃，但配合埋湯底既鮮味濃烈得來又清，唔會係重口味👍
重點係佢飯嘅份量真係超多，我諗足足有兩碗定食飯嘅份量，基本上一個人應該淨係食呢個已經飽😂
呢間日式居酒屋真係大西北天堂，價錢唔貴朋友強調環境已經贏曬，我認為絕對可以同中環質素媲美，最緊要嘅係佢價錢平民，元朗黎講比起大牌子優秀，絕對係性價比高，慶祝生日或節日超值，多人嘅話包廂絕對係好好嘅選擇
暫時係我喺大西北食過最滿意性價比最高嘅一間日本菜💯💯💯💯💯
張貼
