影片
更多
2023-05-06
173 瀏覽
《20磅超巨型桂花魚酸菜魚！》#eatwithpeach中菜講到川菜，位於旺角朗豪坊12樓嘅川莊一定冇得輸，敢講係全香港最好食嘅平民川菜餐廳之一！餐廳主打各色各樣嘅超大碗麻辣水煮魚同酸菜魚，每枱至少都會見到1-2兜。作為麻辣菜關注組成員，係門口等候入座時聞到川菜嘅麻辣辣香已經垂延三尺🤤🌟餐廳分為室內同室外兩個部分。室內樓底高，地方寬敞，十分舒適，坐窗邊位仲可飽覽角夜景；室外嘅天花頂係朗豪坊嘅頂部，樓底比室內更高，地方比室內窄少少，夜晚燈光較室內暗，氛圍較浪漫。💁🏻♀️招牌南充特色酸菜魚---桂花魚（無辣）$468餐廳所有水煮食物都有兩種份量，包括珍寶(大)同例牌(小)。而呢道菜我地揀左珍寶。菜式份量非常巨型，瓦碗直徑14寸，連湯帶魚同碗一共共有20磅，係20磅！！！桂花魚連帶魚皮，滑得來仍然保留魚肉紋理，絕不糊爛，加上肉質豐滿，肥美彈牙，且細骨極少，真係值得一讚！配菜方面，酸菜鹹酸度足夠，莖部爽脆。另外，嗌一碗水煮食物可以揀4款配料，而我地揀左好煙韌嘅木薯粉、好爽口嘅金針菇同牛排、同爆芝嘅脆皮芝士腸。整體而言，食物烹調水平同質素非常好。💁🏻♀️成都水煮鮮魚片（辣度：3個辣椒） $26
#eatwithpeach中菜
講到川菜，位於旺角朗豪坊12樓嘅川莊一定冇得輸，敢講係全香港最好食嘅平民川菜餐廳之一！餐廳主打各色各樣嘅超大碗麻辣水煮魚同酸菜魚，每枱至少都會見到1-2兜。作為麻辣菜關注組成員，係門口等候入座時聞到川菜嘅麻辣辣香已經垂延三尺🤤
🌟餐廳分為室內同室外兩個部分。室內樓底高，地方寬敞，十分舒適，坐窗邊位仲可飽覽角夜景；室外嘅天花頂係朗豪坊嘅頂部，樓底比室內更高，地方比室內窄少少，夜晚燈光較室內暗，氛圍較浪漫。
💁🏻♀️招牌南充特色酸菜魚---桂花魚（無辣）$468
餐廳所有水煮食物都有兩種份量，包括珍寶(大)同例牌(小)。而呢道菜我地揀左珍寶。菜式份量非常巨型，瓦碗直徑14寸，連湯帶魚同碗一共共有20磅，係20磅！！！桂花魚連帶魚皮，滑得來仍然保留魚肉紋理，絕不糊爛，加上肉質豐滿，肥美彈牙，且細骨極少，真係值得一讚！配菜方面，酸菜鹹酸度足夠，莖部爽脆。另外，嗌一碗水煮食物可以揀4款配料，而我地揀左好煙韌嘅木薯粉、好爽口嘅金針菇同牛排、同爆芝嘅脆皮芝士腸。整體而言，食物烹調水平同質素非常好。
💁🏻♀️成都水煮鮮魚片（辣度：3個辣椒） $268
水煮魚方面，我地揀左例牌(小)，份量大概有差唔多珍寶(大)一半。魚肉肉質雖然不及桂花魚，但依然鮮嫩滑溜，配上數款花椒同辣椒調味，魚片辣中帶麻，麻中帶香，非常入味。辣度方面，對食開譚仔小辣嘅小篇而言，3個辣椒已經辣到流鼻水，但辣得黎又好過癮！配菜方面，所有材料都非常入味，麻香好重但辣到飛起，要食下停下再食。我地嗌左口感煙韌嘅水晶粉皮、超爽口彈牙嘅牛柏葉、既大條又厚實嘅嘅海帶、同埋仍然保留肉汁嘅豬皮。除左辣得濟之外，水煮魚黎講係小篇食過最好食之一。
💁🏻♀️甜奶迷你小饅頭 $42
小饅頭外型超可愛，每粒大概有1/4個饅頭咁大，每人食兩粒，可以滿足下食炸饅頭嘅口隱外，仲可以留多啲胃試其他菜！迷你饅頭外表金呈黃色，炸得好靚。口感方面外脆內軟，沾上冷凍嘅煉奶食，冰火交融嘅感覺，加上甜滋滋嘅味道，好正！如果食曬啲野仲有肚嘅話，一定會encore！！
💁🏻♀️醋香皮蛋豆腐 $39
皮蛋晶瑩剔透，口感十分軟綿；豆腐豆味突出，口感非常嫩滑。配上冰涼酸甜醋汁，令整到菜味道層次更上一層樓。冷盤前菜黎講，開胃指數100分！
💁🏻♀️酸辣土豆絲 $39
又係一個非常開胃嘅冷盤前菜。酸辣度唔會好辣，幾野味。土豆絲份量多，每條都好爽口，唔會溶溶爛爛。整體而言不過不失。
以上為6人聚餐所點嘅份量，因為珍寶份量嘅水煮菜式真係好大份，記得預翻大家食量點菜！另外，呢度嘅1300ml超巨型水果茶都好出名，個杯差唔多前臂咁長！小篇見好多枱客都有點，但我地冇😭黎緊去呢度食嘅朋友不妨一試！
😍整體評分
味道：🌟🌟🌟🌟🌟
價錢：🌟🌟🌟
環境：🌟🌟🌟🌟
服務態度：🌟🌟🌟🌟
instagrammable：🌟🌟🌟🌟
——————————————————————
川莊
旺角亞皆老街8號朗豪坊12樓12號舖
#美食 #香港美食 #旺角美食 #九龍區美食 #川菜 #川菜推薦 #水煮魚 #酸菜魚 #炸饅頭 #中菜 #情侶好去處 #香港打卡 #打卡景點 #打卡餐廳 #拍拖好去處 #餐廳 #餐廳推介 #假日好去處 #食好西 #美食攝影 #hkfoodie #hkgirl
張貼
