TW Coffee Concept (已結業)

南丫島郊遊後乘船回港，筆者對於Shelly飲咖啡還有一點遺憾，於是提議暫時變身為陳豪，去擺花街品味一下咖啡。此本地咖啡專門店近年因咖啡熱潮而乘勢而起，門市唔多。此次筆者選了蘇門答臘出產嘅曼得寧咖啡。論印尼咖啡，筆者覺得其咖啡香味係咁多咖啡出產地中最濃厚。還記得筆者小時候父親每逢於印尼公幹後回港，都帶了一包二包、唔同款式嘅咖啡豆回港。包裝還未拆開，咖啡味已經慘滿屋內每一角落。雖然香味濃郁，但入口唔會有苦澀嘅感覺。缺點係沖出嚟嘅咖啡味道不濃，對飲慣咖啡嘅人，尤其係喜愛意式特濃咖啡嘅人嚟講，味道會淡咗啲，而且欠缺了一種飲完之後嘅回甘味。呢度嘅咖啡相信係用高壓加熱水沖泡出嚟，香氣、味道與筆者估計相去不遠。價錢一杯三十七蚊，是貴了一點。飲咖啡始終係個人行為，都係自己調配才最合心意。