影片
更多
2009-07-22
26 瀏覽
星期日，剛被颱風莫拉菲吹得東歪西倒嘅香港，估唔到咁快就雨過天清，還間中放晴。訂了下午嘅門票於康怡廣場睇哈利波特，順理成章於同一地點處理午膳。位於同一地點嘅「大戶屋」口碑不錯，可惜門外嘅人龍實在太長了。於是，太座提議轉戰位於廣場二樓嘅「夢見屋」，試一試該處嘅日式西餐。午市有價值$55嘅套餐(連餐湯)，又或者散嗌，由四十幾至六十幾蚊不等。太座叫了一個午餐，筆者則散叫了一份咖哩吉列豬扒飯($66)。看吉列豬扒嘅色水，筆者已皺一皺眉，因為顏色不一致，顯示炸得唔夠均勻。再咬入口，即時可宣判死亡。外表嘅麵包糠厚厚的，中間夾著一層薄薄嘅豬扒。豬扒嘅厚度相等於一層麵包糠嘅厚度，故麵包糠(上、下各一層)與豬扒嘅厚度比例係1：2之譜。與其說係「吉列豬扒」，應該調番轉叫「豬扒吉列粉團」，十分叫人失望。太座嘅套餐係忌廉莧菜蘑菇意粉，意粉係煮得唔錯，軟硬適中，恰到好處；忌廉亦不是落得很厚，薄薄的香口之餘少一分膩口感，蘑菇嘅香味令味道更豐富。太座大肚後，對味道比較敏感，覺得意粉鹹了一點，筆者則不覺得有問題。環境也算唔錯，尤其係走廊邊嘅二人座位，用了竹梳化，坐得十分舒服。服務方面，筆者拿了29籌等候入座，等咗一陣已
午市有價值$55嘅套餐(連餐湯)，又或者散嗌，由四十幾至六十幾蚊不等。太座叫了一個午餐，筆者則散叫了一份咖哩吉列豬扒飯($66)。看吉列豬扒嘅色水，筆者已皺一皺眉，因為顏色不一致，顯示炸得唔夠均勻。再咬入口，即時可宣判死亡。外表嘅麵包糠厚厚的，中間夾著一層薄薄嘅豬扒。豬扒嘅厚度相等於一層麵包糠嘅厚度，故麵包糠(上、下各一層)與豬扒嘅厚度比例係1：2之譜。與其說係「吉列豬扒」，應該調番轉叫「豬扒吉列粉團」，十分叫人失望。
太座嘅套餐係忌廉莧菜蘑菇意粉，意粉係煮得唔錯，軟硬適中，恰到好處；忌廉亦不是落得很厚，薄薄的香口之餘少一分膩口感，蘑菇嘅香味令味道更豐富。太座大肚後，對味道比較敏感，覺得意粉鹹了一點，筆者則不覺得有問題。
環境也算唔錯，尤其係走廊邊嘅二人座位，用了竹梳化，坐得十分舒服。服務方面，筆者拿了29籌等候入座，等咗一陣已經嗌到29號。見有二人座位空出，滿以為非我地莫屬。豈料另一對人剛來到，問服務員有冇二人座位，服務員二話不說想帶他們入座，幸好筆者及時制止，服務員此刻才猛然醒起已發了輪候二人座位嘅籌，工作不上心喎。
見有網上評論話這裡嘅吉列豬扒麵漿薄薄的很可口，與筆者經驗相去甚遠，似乎筆者是日運氣真是麻麻地，如同給這裡嘅總評分一樣。
張貼
