素食分子 (已結業)

星期6同老婆行完維園揾野食， 見到消防局對面有間餐廳，自助餐唔貴，$78任食，試一試又唔傷銀包環境裝修走西式風格，雖然細細間，座位有d窄，但樓底高無壓力，坐落都幾舒服。 食物有驚喜，呢個價錢食到新鮮沙律吧我鐘意涼伴海帶同海珊瑚，酸酸地開胃當日前後食2轉，對比出面買都已經回左本。 甜品方面，選擇雖然唔多，但味道入屋，相信係自家制，唔係出面批發返貨。 炸野就麻麻，可能我唔鐘意油野，同咪唔夠熱，所以好少食( 有個似叫南瓜餅既幾好食) 熱食區有素咕嚕肉，口感幾似真肉咖哩燒羊肉串， 燒茄子都推介其餘炒烏冬，雜菜都係大路野。 雖然熱盤缺乏特式，但整體對得住價錢。 值得一讚：是日湯水。 老火素湯夠入味，我老婆連飲3碗可能都係新店無咩人知，當日小貓3,4隻。但餐廳一d 都吝嗇，食物refill幾快。