Seafood Stand (已結業)

今晚朋友就飛日本去旅行了，真係好羨慕呢~我有張sim card可以俾朋友拎去日本旅行用，所以就約咗朋友食個lunch，順便俾張sim card朋友。因為朋友住樂富，所以就嚟咗樂富食，諗咗一陣食咩好，最後朋友推介嚟呢度食。舖頭算細，座位都有點迫，不過環境唔錯。我嗌咗個5成熟嘅肉眼扒配意粉，開頭以為意粉係好普通就咁煮熟就上碟，但個意粉都有醬汁，唔錯，好好食。個肉眼扒都唔差，幾好食。整體都唔錯，唯獨有某店員服務態度一般，扣咗少少分咁啦。