現代煮意 (已結業)

當時呢間鋪頭新開張，派宣傳單張喎，咁就一齊黎試吓。黎都之後發現，其實都幾多人，不過都容易搵位，就算我哋八個人一齊黎都有位坐。有14樣嘢食其中有五至六樣都係韓式嘅嘢食嚟嘅，咁呢鍾意韓式嘢食嘅人黎呢度都應該幾高興，因為都幾多選擇。原本想揀呢個韓式拌飯㗎，但係可能因為新開張材料唔係好齊全。因為無菜，咁所有韓式拌飯都冇得叫啦。唔緊要咁唯有揀呢個豬扒配菜飯，但係因為無菜個飯都唔係菜飯係白飯。好啦終於有得食，見到呢一個豬扒飯其實佢啲豬扒煎得幾好。不過我就覺得有啲太乾，一嚟佢只係得個唔知燒烤汁定係豉油，二黎個豬扒其實都真係冇乜肉汁。仲要配白飯真係乾到爆炸🤥至於另一個台式蘿蔔牛肋條配菜飯，因為冇菜嘅緣故，又係轉咗做白飯。呢一個嘢食叫做台式蘿蔔牛肋條，但係其實食落去同普通蘿蔔牛腩冇乜嘢分別，而且啲牛肋條略嫌肥咗少少🧐希望之後再嚟可以有啲改進啦