上海新大眾大閘蟹專門店

營業中

休息中

琴日兩個人去咗黃大仙「上海新大眾大閘蟹專門店」食大閘蟹放題。我本嚟有D怕店舖會污糟，但去到感覺地方平實企理，枱凳乾爽。開始時店員精要講解點餐流程同飲品位置，除即開始放題晚餐。我哋叫咗細size清蒸款，公乸都試咗，D膏好鮮甜又creamy。我哋食完一round本來諗住再點要等吓先會上等二round，點知遞咗張紙仔轉頭就送上食物，厨房功力同效率超高。一路食，店員一路替我哋換蟹殼桶。接近臨尾15分鐘店員提醒截last order 時間，其實佢哋密密遞餸未到last order 個胃已到limit。之後我哋就攞咗D姜茶飲，夠姜。今次整體感覺良好，主角食物高質，服務有禮到位，食得自在，會再翻尋味。