影片
更多
2024-01-02
409 瀏覽
喺金朝陽樓下見到間嘢宣傳相片望落都幾好，決定上去試一試。一去到門口女侍應嘅態度已經感覺唔想做你生意，因為餐廳分左右兩邊一邊係食日式料理一邊係打邊爐，我哋問佢有冇menu睇一睇再決定食邊一邊，佢一臉嫌棄叫我哋自己出門口睇。睇完諗住都係試下重慶火鍋啦。火鍋湯底正常，環境亦係唔差嘅（因為全場得兩三枱客，夠曬鬆動）火鍋料方面我哋見到menu上面嘅$398新鮮手切牛肉拼盤，一上枱....嘩！完全係急凍野，雪到硬晒，冰都未融, 而且顏色有少少變黑，一睇就知唔係新鮮嘅，忍唔住問下個員工：呢度寫住“新鮮手切”,點解黎到係咁樣嘅？侍應哥哥精彩回覆：我哋呢度係新鮮手切完之後再去急凍。可能佢自己講完之後都過唔到自己嗰關再同我講左句唔好意思。我哋知道呢間嘢原來係咁樣呃人嘅，就唔再叫嘢食，食完淨低嗰啲就埋單走人落去食第二d 野，點知發現唔見咗張信用卡。返上去問，又係門口果位女待應，我好聲好氣問佢有冇執到張卡，佢好似好激動係咁叫我：你行入去問啦！你行入去問啦！其實全場兩邊餐廳加埋都係得返一兩枱客左右，成班員工都係企喺門口位吹水，又唔係真係忙，有必要咁樣態度嗎？然後負責收錢嗰位男待應拎返張卡畀我，佢嘅解釋係：你張卡
火鍋湯底正常，環境亦係唔差嘅（因為全場得兩三枱客，夠曬鬆動）
火鍋料方面我哋見到menu上面嘅$398新鮮手切牛肉拼盤，一上枱....嘩！完全係急凍野，雪到硬晒，冰都未融, 而且顏色有少少變黑，一睇就知唔係新鮮嘅，忍唔住問下個員工：呢度寫住“新鮮手切”,點解黎到係咁樣嘅？
侍應哥哥精彩回覆：我哋呢度係新鮮手切完之後再去急凍。
可能佢自己講完之後都過唔到自己嗰關再同我講左句唔好意思。
我哋知道呢間嘢原來係咁樣呃人嘅，就唔再叫嘢食，食完淨低嗰啲就埋單走人落去食第二d 野，點知發現唔見咗張信用卡。返上去問，又係門口果位女待應，我好聲好氣問佢有冇執到張卡，佢好似好激動係咁叫我：你行入去問啦！你行入去問啦！
其實全場兩邊餐廳加埋都係得返一兩枱客左右，成班員工都係企喺門口位吹水，又唔係真係忙，有必要咁樣態度嗎？然後負責收錢嗰位男待應拎返張卡畀我，佢嘅解釋係：你張卡係黑色，我張枱又係黑色，所以畀張單你嘅時候唔記得拎埋張卡.....係我問題，對唔住。
佢誠心道歉，我覺得就唔緊要啦，所以都冇再講咩，其實自己都有責任check清楚的。但係做得飲食業，仲要全場幾乎冇其他客人，一啲都唔忙嘅情況下，點解都可以犯咁嘅錯呢😂
最後真正離開呢間餐廳，感覺上全部員工其實都冇心想做好間嘢，抱住有水魚入嚟就做一單嘅心態。香港人假日都唔留港消費，某程度上亦都係因為有呢啲害群之馬！
新鮮手切牛肉拼盤
$398
9 瀏覽
0 讚好
0 留言
張貼
