鮨樂 (屯門時代廣場南翼) (已結業)

今日同爸爸黎到屯市想食壽司，經過呢間酯樂未食過，一於入去試下！我地一人叫一個10貫壽司定食，跟餐首先上左個沙律加麵豉湯，麵豉湯唔會太鹹，飲落順口唔口渴，沙律新鮮，酸爽開胃。跟著送埋個鰹魚湯蕎麥麵，湯底好鮮甜！之後入正題食壽司，全部都好新鮮，個壽司飯有特別調味，每一件都好出色，質素對得住呢個價錢！另外仲叫左啲小食，牛油烤帆立貝，帆立貝刺身，兩種食法，一冷一熱，各有千秋；燒牛舌串，都幾惹味。最後仲有球雪糕送，成餐好圓滿，大滿足！