棋哥燒鵝 (已結業)

平時係The One行完街一出嚟就見到呢間棋哥燒鵝，想食好耐㗎啦，今日終於有機會約到朋友黎食晚餐。呢度裝修非常之光鮮，地方整潔。我哋兩個人一件開餐牌見到呢個二人餐，就二話不說叫咗啦，因為真係超抵食，有成分例牌燒鵝，仲可以揀多一份例牌燒味，包油菜、飯或者面仲包一杯野飲或者湯。大大碟菜。燒鵝喺呢度嘅名物，大大份，有成隻燒鵝髀。肉質嫩滑，個皮有煙燻嘅味道，甜甜地。再加上呢度特製嘅甜梅醬，簡直完美。我哋另一份係叫左叉燒，個叉燒超大份，我哋食極都仲有。叉燒半肥瘦，所以食落係非常鮮嫩，從來唔會有一塊係太乾太鞋。我叫咗米粉，朋友叫咗瀨粉，每份都一大碗，超抵食。個老火湯亦都非常足料，有豬骨雞腳等等，味道濃郁。今晚全場keep住爆滿，果然好生意。食咗咁多野飽到出汁先至$248。仲要冇加一！