龍景軒

營業中

休息中

好耐冇嚟，因為冇人陪囉😄⋯⋯兩星期前左右訂位，估唔到咁快有😄，或者平日真係容易啲訂位👍。同樣地😁，行政套餐都唔啱食😄，散叫好啲😄。睇過今日點心😳，冇腸粉😭，有啲失望😞。點心都係啦，每籠有3件，但都可以改成人數咁多件，價錢照樣計👌。我地去到，客人仲未離開，咁我地坐出面點住食物先，服務員仲好貼心問，我地趕唔趕時間添😄，我就唔趕，同行趕啲😅。安排到我地坐窗口位，飲水仙丫🙏。一陣就送咗碟乳豬😳，廚師請我地食😄，乳豬皮脆肉嫩，仲少咗啲肥肉😋，原來係廚師切咗啲去，冇咁罪惡感😄👍。蝦餃皮薄蝦肉夠彈牙👍。燒賣豬肉同蝦嘅黃金比例冇得頂👍蝦籽蟹肉春圈，皮脆、蟹肉鮮👍瑤柱小籠包湯汁鮮甜👍桂花蘋果叉燒盞，桂花味清香，叉燒細細粒係半肥瘦嘅，一啖一個真係好滿足👍叉燒菠蘿包，菠蘿包香、皮鬆化👍皇湯雞絲羹，皇湯即係雞湯，煲咗6小時以上，但係飲落口好濃嘅味道，有啲怪怪地😅。鮑汁花膠鮑魚絲炆麵，服務員幫我地分埋上枱，一絲絲嘅鮑魚，花膠就感覺到漲口，麵條彈牙有咬口唔會太腍👍最後想叫甜品，但我地都巳經好飽😄，點知再送上甜品😳。奶皇流心笑口棗👍合桃酥👍桂花糕👍又係非常滿足嘅一餐😄，下次再嚟食好啲😁。