點籽冰室 (已結業)

下午茶時間同朋友去咗呢間冰室食嘢，因為我哋早餐好晏先食，所以冇食中午直接食下午茶。今次叫咗三款食物，有啲係下午茶餐有啲係全日供應。✅咖喱牛肋條飯呢一個咖喱牛肋條飯咖喱味好香，未食已經聞到陣陣咖喱香味，好彩佢嘅咖喱唔算好辣，以我一個唔係食得好辣嘅人嚟講都接受到，佢個咖喱味香料好重，非常之濃郁，牛肋條炆到仲好淋添！✅咖喱牛腩撈丁呢一款咖喱牛腩撈丁同頭先嗰個嘅咖喱味都係相同嘅，咖喱牛腩絕對係最佳嘅配搭，牛腩好入味，估唔到撈返同撈丁都一樣一樣咁好味。✅瑞士汁雞髀配薯角下午茶時間就想食返個雞髀，炸雞髀太熱氣就叫咗瑞士汁雞髀，瑞士汁同樣好入味，雞脾又大隻又滑，食埋香脆薯角夠晒豐富。