茶湯會 (新都城中心) (已結業)

呢間茶湯會好近地鐵站，大概5分鐘嘅路程。店舖入邊仲有幾個座位可以坐，唔使買走飲。新都城嘅呢間仲有買熟食添！今次點左兩杯嘢飲同埋一款小食。燕麥觀音拿鐵 (熱)一直都好想試吓佢個燕麥系列，今次終於點左一杯熱嘅燕麥觀音拿鐵加珍珠。本身都驚燕麥嘅味道同奶茶會唔係太夾，但原來飲落去反而令到奶香味更加重，亦都多咗一份口感，出奇地配合！珍珠非常有咬口，比其他台式飲品舖嘅珍珠細粒。新鮮水果茶(冰）水果茶飲落去好refreshing! 入面有新鮮嘅水果例如橙同百香果。個人來講好鍾意百香果嘅味道，所以我覺得呢杯野好好飲！爆漿珍奶吐司另外點左個爆漿珍珠吐司，即叫即整。吐司烘到好脆，入面有超多黑糖珍珠同奶茶醬， 香甜又有咬口！只要買任何飲品加$25就有得食爆漿珍奶吐司。單點就要$31。