夏娃 (已結業)

天文台話黃昏會掛8號風球，於是就趁住仲係3號風球嘅公眾假期下午出去四圍遊走，嚟到呢間喺炮台山同埋北角之間嘅德國小餐廳有咁好彩遇着落大雨，於是入去避雨兼休息一下。我哋叫咗個Nachos同一人一杯德國啤酒，渡過一個悠閒嘅公眾假期下晝。Menu上面有Nachos幅相但係又唔見有Nachos呢個item同埋價錢，由於我個friend好想食，於是就問waiter有冇得嗌同埋幾錢，佢覆返$68 ，於是我哋就叫咗。個Nachos份量都ok，最正係佢配晒牛油果醬、芝士醬同埋莎莎醬，唔似出面通常只有兩款醬，我鍾意佢個芝士醬因為真係好香，我朋友就話個牛油果醬好正。德國啤酒我就揀咗Schneider Weisse Tap 5，因為本身鍾意有水果味嘅啤酒，佢呢一隻啤酒嘅菠蘿味真係好香好好飲。我朋友就揀咗有隻Kostritzer嘅黑啤，我試咗一啖，味道都唔錯，佢係屬於淡味嘅黑啤，冇G字頭嗰隻黑啤嗰種咁嘅苦澀味，幾易入口，真係唔錯。