MOS Burger (已結業)

尋晚臨瞓前仲係1號波，今朝擘大眼就變咗3號！同事WhatsApp問一唔一齊早餐，當然要一齊開心吓啦！行咗幾間茶餐廳都爆滿，疫情底下真係唔想去啲咁人多擠迫嘅地方食早餐...最後揀咗Mos Burger貪佢乾淨又冇乜人，仲要後門有個門口通風位，空氣夠晒流通！未減醣之前會叫「芝士火腿牛角包餐」，但係今時今日就叫咗「摩斯煙雞肉早餐拼盤」，煙雞肉有好多塊，不過有少少鹹，炒蛋OK，沙律都新鮮！塊多士可以攞返公司請同事食！其實已經兩個月冇食Mos burger因為唔可以食包，但係估唔到原來有呢個早餐拼盤，都好啱減醣人士食...不過下次就要記得沙律走醬！