12Noon (合和中心) (已結業)

忙左成日下午茶要好好補充下。近近地去12Noon望下，cashier 有排muffin 好寂寞坐係度，$20/個大大個，買左兩款試下。朱古力🍫香蕉🍌鬆餅：濃濃香蕉味加埋濕潤蛋糕，食落好舒服，面頭有朱古力粒增加口感。合桃甘荀鬆餅：同樣是濕潤蛋糕質地，絕對是非一般又乾又硬的鬆餅！合桃好脆好新鮮，蛋糕內有甘荀絲和提子乾，唯一挑剔是蛋糕有點太甜，但口感係好好。店員服裝態度好親切（可能因為係常客），如果想熱食可以請職員微波加熱喔！