i-Scream Gelato (已結業)

6/2/2010 (星期六)星期六下午放工後去IFC逛商場，行過這間雪糕店，見有咁多款唔同味道的雪糕，就想買一球雪糕試下。這間雪糕店幾好有得試食，試了幾款唔同味道的雪糕，店員推介$35可以有三個迷你雪糕球加脆餅仲可以加士多啤梨、桃子和醬料，店員話三個迷你雪糕球份量大約等於一球標準的雪糕球，於是我就揀咗三款雪糕。芒果： 雪糕入口香滑，芒果是我的至愛。玫瑰： 吃一口有淡淡的玫瑰味滲出，幾特別，而且顏色鮮豔。荔枝： 以前未試過荔枝，試食一口覺得幾好，荔枝味唔算太濃，但係清清地可以中和一下芒果味同玫瑰味，清清味蕾。脆餅雖然唔係新鮮即叫即做，但係咬落口仍然係脆的，而且仲有雞疍的香味。