中興美食

營業中

休息中

西灣河太安樓係掃街嘅天花板級別勝地，可惜好多出名嘅好食嘅舖頭都已經消失咗，唯獨呢一間老字號仍然喺度堅持即叫即炒，只係做外賣，不過算係第1街仍然經常排長龍嘅舖頭，當然味道有返咁上下啦。佢有炒油面炒粗面炒公仔麵炒銀針粉炒米粉炒河粉炒腸粉，我今晚就揀咗炒麵，配料就懶得揀直接叫個雜錦就算數，叫咗小辣少蒜， $36嘅即炒炒麵喺邊度搵，個麵炒得乾身而且夠鑊氣，帶少少燶，所以個炒麵份外香。佢哋亦都好細心喺個發泡膠盒角落頭呢一個窿等嗰啲倒汗水唔會整濕晒個麵。