影片
更多
2013-09-09
84 瀏覽
吃茶記，麵包鋪是一星期總要做幾次的事，經驗尚算豐富，以下係我對呢間茶記既食評1. 食物質素 （餐廳部）賣相：中上，起碼用既碟係乾淨無污穢，或者崩左呢d問題味道：中等，熱度足夠，小炒缺鑊氣份量：減肥中的女士會岩岩好，一般男人都應該要求加底才會有飽足感2. 服務態度（餐廳部）一般都無咩問題，係個收銀真係生手得制，有咩可能食$150野比$500紙佢找，佢找返$150比你，你同佢講佢仲要話岩呀1. 食物質素（麵包部）味道：味道大部份普通，某幾款屬中上，偏輕身款式：款式不算多，而且很多麵包店應有的都沒有，但勝在喜歡創新2. 服務質素（麵包部）每日我都仲意買個包加杯凍啡少甜做早餐，以下係本人既經歷：第一天：收銀姊姊唔識禁麵包價錢加錢有野飲，所以本人呆等第二日：收銀姊姊入錯單，凍啡少甜變熱啡，又要再等第三日：收銀姊姊又入錯單，凍啡再變成熱啡，不同的是侍應姊姊今次既死雞撐飯蓋，當時得我一個人等緊外賣，侍應姊姊拎住杯熱啡嗌住：「外賣熱啡！」咁行埋黎我度，我梗係同佢講我要凍啡喇，佢居然答我：「喔，呢個唔係你架，你杯凍啡整緊！」聽完真係啤一聲，仲要比我見到個收銀同佢做咗個sorry既動作。喺客人既角度，我寧
吃茶記，麵包鋪是一星期總要做幾次的事，經驗尚算豐富，以下係我對呢間茶記既食評
1. 食物質素 （餐廳部）
賣相：中上，起碼用既碟係乾淨無污穢，或者崩左呢d問題
味道：中等，熱度足夠，小炒缺鑊氣
份量：減肥中的女士會岩岩好，一般男人都應該要求加底才會有飽足感
2. 服務態度（餐廳部）
一般都無咩問題，係個收銀真係生手得制，有咩可能食$150野比$500紙佢找，佢找返$150比你，你同佢講佢仲要話岩呀
1. 食物質素（麵包部）
味道：味道大部份普通，某幾款屬中上，偏輕身
款式：款式不算多，而且很多麵包店應有的都沒有，但勝在喜歡創新
2. 服務質素（麵包部）
每日我都仲意買個包加杯凍啡少甜做早餐，以下係本人既經歷：
第一天：收銀姊姊唔識禁麵包價錢加錢有野飲，所以本人呆等
第二日：收銀姊姊入錯單，凍啡少甜變熱啡，又要再等
第三日：收銀姊姊又入錯單，凍啡再變成熱啡，不同的是侍應姊姊今次既死雞撐飯蓋，當時得我一個人等緊外賣，侍應姊姊拎住杯熱啡嗌住：「外賣熱啡！」咁行埋黎我度，我梗係同佢講我要凍啡喇，佢居然答我：「喔，呢個唔係你架，你杯凍啡整緊！」聽完真係啤一聲，仲要比我見到個收銀同佢做咗個sorry既動作。喺客人既角度，我寧願你同我老實。
第四日：我潛意識話我知，呢間野都錯左連續3日喇，無可能再錯喇掛。因為咁，我喺佢入機時特別留心，我見到佢今次入咗2次凍啡，我等緊杯啡時，我喺度諗應該係我睇錯既，第四日無可能再錯喇。5分鐘後，侍應姊姊拎住2杯凍啡出黎，我咀都o埋，喺我轉身走果一刻，我覺得當晚開果期金多寶係我架喇，因為我無諗個一間食肆可以連續4日錯同一件事，而呢件事全部都發生喺同一個顧客身上。只有一字：「服」
張貼