別府駅前料理 (青衣城1) (已結業)

難得一家人一齊放假食個lunch, 行下青衣城。行街之前梗係要食飽飽先喇！一出地鐵站行兩步就見到有間別府，竟然仲健在？對上一次食別府已經係以前中學你青年運動場開運動會完同同學食喇!仲要見到門口個牌寫住午餐4送1，唔洗諗，入去 懷緬下先。汁燒美國豚肉飯👍係薄切豚肉，所以唔會韌，而且都幾多汁醬甜甜地，不過略嫌少左啲中間墊左椰菜，令成個飯fresh左好多燒安格斯牛肉飯👍燒汁比豚肉飯的更甜，但略嫌太油，食多幾啖會好滯。牛肉份量都好多，洋蔥絲煮得好入味，但又唔會煮到爛哂，保持到爽脆的口感👍👍牛肉壽喜燒👎唯一優點係配餐白飯可以無限添加，但壽喜燒的醬油鍋底，幾乎無味😥鬼山地獄拉麵👎拉麵同湯底係正常野，但係啲炸雞👎有雪味，而且調味麻麻，炸得唔算太脆。午餐有埋飲品，唔岩飲可以簡麵豉湯👍啲位都幾好坐，有4送1都幾抵，下次都可以再考慮下嘅。