羅麥記 (V City) (已結業)

平時好鍾意幫襯懷舊茶餐廳，即使係偽懷舊茶餐廳，我都會好想試。唯獨是呢一間，開咗五年，一次都冇幫襯過，因為老公對呢間餐廳冇好感，朋友食過話難食⋯⋯但見OpenRice 一直都多過，又得自己一個人，所以姑且一試！火腿多士炒蛋：火腿偏鹹，多士唔熱又唔脆，炒蛋唔滑奶茶：幾好，有茶味，夠滑豬扒通粉：豬扒，有驚喜，有香茅味，唔係得個鹹字，通粉正常，個湯冇乜味呢個早餐$40，其實值$26，附近有一間平民茶餐廳，食同樣嘅嘢，好食程度差不多，收$26，咁即係個店鋪環境值$14。