影片
更多
2023-01-21
61 瀏覽
第一次嚟，裝修靚，地方細，價錢貴。$98一個意粉無飲品，加飲品要$45以上。佢話星期六無套餐。咁都算啦，估唔到年三十俾佢搞到我有一個極差嘅體驗。絕對唔會再幫襯！12:00入到去一個人都無，我哋3個諗住應該好快有得食。之後過咗一段時間至開始有人嚟。點知等咗45分鐘碟意粉都未嚟，我哋已經好有禮貌，半帶講笑咁話好肚餓，有得食未，佢答咗2次只係話煮緊。我真係未試過無人嘅餐廳都要等超過45分鐘都未有得食。然後有個男職員斯斯然咁走入水吧，兩個職員傾偈，剛入嚟嗰個突然大聲話：下？邊個催呀？然後眼袖神凌厲咁睥住我。我心諗，無嘢呀？我等咁耐都無得食，已經又激氣又肚餓，仲要俾你睥，而家咩態度呀？因為趕住返工，12:45我真係無時間同佢玩。又激氣又餓咁樣走咗。唯有跑去M記買外賣，結果遲咗返公司，好彩老闆無鬧我。其實食嘢嘅地方最緊要係食物質素好，服務態度好，環境乾淨。裝修靚，得個外表係無用㗎！我無機會試到食物質素亦唔想再試，唔想再踏入呢間嘢一步。櫃面兩個職員都係20幾歲，相信廚房都係後生仔女，但係點解做嘢咁慢？一碟普通意粉喺無人嘅情況之下45分鐘都出唔到真係完全唔掂！我朋友仲要話啲意粉係韌嘅，硬硬哋嘅。呢間我
12:00入到去一個人都無，我哋3個諗住應該好快有得食。之後過咗一段時間至開始有人嚟。點知等咗45分鐘碟意粉都未嚟，我哋已經好有禮貌，半帶講笑咁話好肚餓，有得食未，佢答咗2次只係話煮緊。我真係未試過無人嘅餐廳都要等超過45分鐘都未有得食。然後有個男職員斯斯然咁走入水吧，兩個職員傾偈，剛入嚟嗰個突然大聲話：下？邊個催呀？然後眼袖神凌厲咁睥住我。我心諗，無嘢呀？我等咁耐都無得食，已經又激氣又肚餓，仲要俾你睥，而家咩態度呀？因為趕住返工，12:45我真係無時間同佢玩。又激氣又餓咁樣走咗。唯有跑去M記買外賣，結果遲咗返公司，好彩老闆無鬧我。
其實食嘢嘅地方最緊要係食物質素好，服務態度好，環境乾淨。裝修靚，得個外表係無用㗎！我無機會試到食物質素亦唔想再試，唔想再踏入呢間嘢一步。櫃面兩個職員都係20幾歲，相信廚房都係後生仔女，但係點解做嘢咁慢？一碟普通意粉喺無人嘅情況之下45分鐘都出唔到真係完全唔掂！
我朋友仲要話啲意粉係韌嘅，硬硬哋嘅。呢間我已列入黑名單，唔會再去第二次。
張貼