Express Bar by Lassana (已結業)

返工真係好攰，好多時收工都要買d 野食tum 下自己～今日呢個sleepy monday 決定要食番d 甜野衝擊下，慶幸收鋪前買到呢個焦糖榴槤cheese cake☺️超開心～～焦糖面係即叫即燒～店員溫馨提示，蛋糕要灘番個零鐘至軟身先最好食，番屋企呢個路程時間啱啱好。😍😍😍cheese cake 食得多，焦糖燉蛋食得多，榴槤焦糖cheesecake 呢個配搭真係未試過～超期待！！好想快d 番到屋企💏～wakaka✨灘左個半鐘，打開切都仲有d 硬，不過已經忍唔住偷食，因為實在太好食😳😳😳不過為左享用最佳效果，邊偷食少少邊再等多三個字，口感軟滑左更加美味😝～個人覺得可以再灘耐d, 但係我忍唔到口。。。✨平時我無特別偏好食cheesecake, 因為覺得漏。但呢個cheese cake 一d 都唔漏，而且超香榴槤味啊救命，切開仲見到一絲絲既榴槤肉嫁😍😍😍。面頭焦糖勁薄勁脆，味道非常好，多左一份焦香。唔係誇張，真係一路食一路係咁話好好食，鍾意食榴槤一定會鍾意😚真係好幸福，好耐無比到值5 星星既推介👍🏻👍🏻👍🏻👍🏻👍🏻✨148蚊呢個min size, 4個人食啱啱好，絕對係食過最特別同最回味既蛋糕