影片
更多
2016-06-07
1992 瀏覽
同朋友游完水，做完運動，當然要醫肚。走到大坑，左諗右諗，都諗唔到食乜好，眼見一間又一間夠鐘閂門。行到潮民，受到熱情款代，誠意邀請我地入去試下佢地新研發既雞煲喎。咦～個雞煲堅係特別。平時只見一大堆芹菜，洋葱，大葱咁。但今次見到既係青椒同埋青瓜，新奇！青瓜同濃味既雞煲做出奇咁夾。汁味香濃，只點小辣，但威力都唔弱，麻辣味都幾平均。雞呢就切得太大件啦，大家都覺得有少少難處理。好，加湯變身火鍋，值得一提係佢用既湯唔係清湯，係有色煲過既上湯嚟，仲有好多花椒喺入面添。所以出到嚟效果唔會好明顯淡左，保持到一定既雞煲濃味。嚮鈴質素唔太突出，吸湯汁後焾得好快，咬落有少少韌，唔易斷開。墨魚滑就勁，賣相已經好好，成球雪糕咁嚟。墨魚滑堅有好濃墨魚味，超級彈牙，我相信真係可以打乒乓波果隻。呢個豚腩片又係頂呱呱。由於同行友唔食牛局住點豬肉，但真係無後悔。厚度大約係平時手切肥牛兩倍咁上下啦，少少厚身。食落口感好好，佢又有少少肥，有返啲香口。配埋雞煲個味真係好掂。餃我地點左好幾種。愛心餃其實係韮菜豬肉，雖然無乜湯汁，但真材實料，韮菜超鮮嫩。豆苗帶子餃用既係溫室豆苗，有少少失望，但佢唔老亦無草青味，其實都幾正。鹹蛋蝦雲吞
走到大坑，左諗右諗，都諗唔到食乜好，眼見一間又一間夠鐘閂門。
行到潮民，受到熱情款代，誠意邀請我地入去試下佢地新研發既雞煲喎。
咦～個雞煲堅係特別。平時只見一大堆芹菜，洋葱，大葱咁。但今次見到既係青椒同埋青瓜，新奇！
青瓜同濃味既雞煲做出奇咁夾。
汁味香濃，只點小辣，但威力都唔弱，麻辣味都幾平均。
雞呢就切得太大件啦，大家都覺得有少少難處理。
好，加湯變身火鍋，值得一提係佢用既湯唔係清湯，係有色煲過既上湯嚟，仲有好多花椒喺入面添。所以出到嚟效果唔會好明顯淡左，保持到一定既雞煲濃味。
嚮鈴質素唔太突出，吸湯汁後焾得好快，咬落有少少韌，唔易斷開。墨魚滑就勁，賣相已經好好，成球雪糕咁嚟。
墨魚滑堅有好濃墨魚味，超級彈牙，我相信真係可以打乒乓波果隻。
呢個豚腩片又係頂呱呱。由於同行友唔食牛局住點豬肉，但真係無後悔。
厚度大約係平時手切肥牛兩倍咁上下啦，少少厚身。
食落口感好好，佢又有少少肥，有返啲香口。
配埋雞煲個味真係好掂。
餃我地點左好幾種。愛心餃其實係韮菜豬肉，雖然無乜湯汁，但真材實料，韮菜超鮮嫩。
豆苗帶子餃用既係溫室豆苗，有少少失望，但佢唔老亦無草青味，其實都幾正。
鹹蛋蝦雲吞，呢個真係幾特別，食落入面起晒沙，好香鹹蛋黃味。
呢度啲餃隻隻都漲卜卜，又新鮮包出嚟，感覺唯一美中不足係一客有５粒，實在難分。
雖然有一位同行友人唔食牛肉，但佢都好為我地設想。老細非常咁推介呢度既牛肉，但我地又真係食唔晒成碟。
就戲言話不如切兩塊嚟試下，好食就下次拉隊牛魔王嚟食啦。
點知老細聽到真係二話不說走去廚整左呢碟野出嚟。
其實我地又唔係搲野食，成餐都有傾有講交流下飲食心得咁。
講返個牛肉先，有兩種，左邊係高級本地手切，右邊係普通少少既本地手切。
左邊個牛味較重，有咬口，慢慢咬落會有啲油香滲出嚟。
右邊果個就焾身啲，同樣係重牛味。
其實兩個都好味，有得揀都係兩個叫晒會好啲。
有時出街食飯，服務同誠意真係好緊要。
全餐由佢超熱情咁招呼入去，到推介有乜好食，繼而再逐樣野問我地意見，交流下佢啲食物有乜特別之處。
簡單一個火鍋，有心都可以做得好互動。
食餐飯，食物當然要好味，但心情都好緊要，令食客可以開開心心食完餐飯，咁先有番頭客。
張貼
