金鳳大餐廳 (D2 Place TWO)

營業中

休息中

終於第一次嚟食金鳳！平時食lunch見到好多人排隊，我今次都嚟試下！原來呢間咁多人嚟食係有原因架，食物質素絕對有返咁上下！午市套餐都有好多款式選擇。西班牙雞排配薯菜，雞扒好大塊，食落一啲都唔嚡口，而且食落啖啖肉，都幾有肉汁！千祈唔好睇小配薯菜，其實份量都好大份！黑椒牛扒配意粉，份量又係好大份，lunch 用呢個價錢食扒真係超值！不過黑椒味有啲搶咗牛扒原有嘅味道，但係啲汁配意粉就好正，夠晒味！另外，值得一讚嘅係呢度有包埋餐湯、餐包同飲品。餐湯係羅宋湯，味道好香濃！餐包亦都好香，配牛油或浸湯都一樣咁正！整體黎講，性價比超高，5x蚊嘅價錢就可以食扒，而且質素唔差，絕對抵食！