影片
更多
2022-06-15
605 瀏覽
【7折超值！父親節飯首選💛】推薦程度：●●●◐○抵食程度：●●●●◐——— 同爸爸提早慶祝父親節，揀咗食中菜，所以嚟到逸東軒食。食物選擇多，水準高，用材上盛；店員好貼心亦照顧周到；環境寬敞舒適，適合家庭聚餐👍🏻 埋單先發現全單7折，有優惠做緊，超抵食(下列價錢為正價⚡️)🐔 脆皮片皮雞（2食）｜$628成日片皮鴨，未食過雞，於是一戰。夠特別，少見，亦好考功夫👍🏻 雞缺少陣香羶味，但食落冇咁油膩飽濟，包埋大蔥同醬汁完全唔膩。不過個人都係鐘意嘅片皮鴨多啲✨2食跟咗雞崧炒飯，飯粒粒分明，夠晒鑊氣，唔算好油，但都冇咩特別。量多，雞肉粒都肉眼可見，但入口唔太食到雞肉/雞油香，不過不失～🌟 鮑汁花膠扣鵝掌｜$360/位完全冇失望，食到lam lam脷！鵝掌超級腍身，入晒味，啖啖滋味🤍 花膠膠質重、厚身，但亦好腍好入味，大讚✨🐷 脆皮乳豬琵琶豆腐｜398兩者放埋一齊有啲唔關係，兩樣都好好食✨ 乳豬皮夠香乳，帶油脂，唔缺肉感，半脂半肉剛剛好👍🏻 琵琶豆腐內有香茜同魚肉，食落多層次好豐富🤍 豆腐質感唔係爛蓉蓉，唔係老少平安嗰種，保持到豆腐嘅口感，廚藝真係好勁✨🐷 鳳梨咕嚕肉｜$280食得出係新鮮菠蘿，唔係
推薦程度：●●●◐○
抵食程度：●●●●◐
———
同爸爸提早慶祝父親節，揀咗食中菜，所以嚟到逸東軒食。食物選擇多，水準高，用材上盛；店員好貼心亦照顧周到；環境寬敞舒適，適合家庭聚餐👍🏻 埋單先發現全單7折，有優惠做緊，超抵食(下列價錢為正價⚡️)
🐔 脆皮片皮雞（2食）｜$628成日片皮鴨，未食過雞，於是一戰。夠特別，少見，亦好考功夫👍🏻 雞缺少陣香羶味，但食落冇咁油膩飽濟，包埋大蔥同醬汁完全唔膩。不過個人都係鐘意嘅片皮鴨多啲✨2食跟咗雞崧炒飯，飯粒粒分明，夠晒鑊氣，唔算好油，但都冇咩特別。量多，雞肉粒都肉眼可見，但入口唔太食到雞肉/雞油香，不過不失～
🌟 鮑汁花膠扣鵝掌｜$360/位完全冇失望，食到lam lam脷！鵝掌超級腍身，入晒味，啖啖滋味🤍 花膠膠質重、厚身，但亦好腍好入味，大讚✨
🐷 脆皮乳豬琵琶豆腐｜398兩者放埋一齊有啲唔關係，兩樣都好好食✨ 乳豬皮夠香乳，帶油脂，唔缺肉感，半脂半肉剛剛好👍🏻 琵琶豆腐內有香茜同魚肉，食落多層次好豐富🤍 豆腐質感唔係爛蓉蓉，唔係老少平安嗰種，保持到豆腐嘅口感，廚藝真係好勁✨
🐷 鳳梨咕嚕肉｜$280食得出係新鮮菠蘿，唔係罐頭死甜，亦帶酸味，非常開胃✨ 咕嚕肉冇骨啖啖肉，肉質腍身冇咩肥膏；炸皮厚度適中，炸得香脆而唔太油膩👍🏻 甜酸醬比例好啱我個人口味，係酸多於甜，醒神開胃，送飯一流🤍
🥬 野菌魚湯浸時蔬｜$218魚湯好鮮甜，冇太多額外調味去蓋住，證明用料都唔差👍🏻 飲咗幾啖都唔口渴～ 野菌同時菜不夠不失～
🥭 香芒糯米卷｜$58芒果生熟程度剛好，唔會夠熟爛晒，香甜多汁唔酸👍🏻 糯米皮唔厚身，帶煙韌感，唔錯～ 係加咗椰絲略嫌有啲畫蛇添足，令整體太甜～
🥣 蛋白杏仁茶湯圓｜$48
講真全晚最冇驚喜～ 杏仁茶味唔係特別香濃，偏水狀亦唔稠杰，做唔到齒頰留香；湯圓亦普通不過，唔係爆醬湯圓，唔係特別薄皮，一般～
🫔 家鄉甜薄罉｜$58呢得意嘅甜品，外表香脆，咬落煙韌軟熟，中間層次花生，口感豐富，亦多份咸香👍🏻 食落咸甜交融，非常過癮！
張貼
