影片
更多
2022-07-01
417 瀏覽
今日慶祝紅假嘅方法，我選擇去一間想試嘅Cafe，放假都要返返去九龍灣😂就係為咗佢個碎蛋包。平時睇IG見到介紹新Cafe見佢啲嘢食啱口胃，我就會走去試吓，咁啱平時去開嘅茶檔今日又唔開，咁就更加順理成章啦！ 又近近地！其實呢度都幾格攝，喺新開嘅商廈裏面，根本就冇其他舖頭，人影都冇一隻，不過咁有咁嘅好處嘅，我都最怕多人，特別係紅日，根本就唔使旨意有位坐，今日全餐廳最靚嘅位任你揀！ 不過又再一次證實所有嘢都要親眼睇先至知道，根本就同圖片不符😞影到間餐廳好似好大咁，其實加埋可能得20個位。另外就係其中一個佢哋最IGable 嘅cake設計成圓筒形, 中間透明啫喱放咗一粒士多啤梨, 睇相以為佢係正常西餅size, 但係原來目測得個乒乓波咁大，為咗打卡要成五十幾六十蚊，又好似有點兒那個。我目標清晰要試佢個碎蛋包，加多杯dirty ! 雖然佢有幫我返熱個包，不過相比起之前試佐敦嗰間小店就遠遠不及。雖然佢個包大少少，不過佢就冇將個包焗到外脆內軟，而且佢個餡料碎蛋好似太重蛋黃味，平時我食烚蛋係唔食個蛋黃㗎😅杯dirty 就不過不失啦，最重要都係個無敵景（雖然唔係海景）同埋冇乜人
平時睇IG見到介紹新Cafe見佢啲嘢食啱口胃，我就會走去試吓，咁啱平時去開嘅茶檔今日又唔開，咁就更加順理成章啦！ 又近近地！其實呢度都幾格攝，喺新開嘅商廈裏面，根本就冇其他舖頭，人影都冇一隻，不過咁有咁嘅好處嘅，我都最怕多人，特別係紅日，根本就唔使旨意有位坐，今日全餐廳最靚嘅位任你揀！ 不過又再一次證實所有嘢都要親眼睇先至知道，根本就同圖片不符😞
影到間餐廳好似好大咁，其實加埋可能得20個位。另外就係其中一個佢哋最IGable 嘅cake設計成圓筒形, 中間透明啫喱放咗一粒士多啤梨, 睇相以為佢係正常西餅size, 但係原來目測得個乒乓波咁大，為咗打卡要成五十幾六十蚊，又好似有點兒那個。
我目標清晰要試佢個碎蛋包，加多杯dirty !
雖然佢有幫我返熱個包，不過相比起之前試佐敦嗰間小店就遠遠不及。雖然佢個包大少少，不過佢就冇將個包焗到外脆內軟，而且佢個餡料碎蛋好似太重蛋黃味，平時我食烚蛋係唔食個蛋黃㗎😅
杯dirty 就不過不失啦，最重要都係個無敵景（雖然唔係海景）同埋冇乜人
65 瀏覽
0 讚好
0 留言
張貼
