羅麥記 (V City) (已結業)

屯門Vcity有間餐廳以懷舊冰室做主題既「羅麥記」，菜式多樣化，以70年代既裝潢，地磚、海佈、廣告牌，一定會令你回想返你既童年！叫咩野食好呢？諗左陣，叫左「豬頸肉芝士撈丁$50」及「千層朱古力西多$35」。「豬頸肉芝士撈丁」，芝士好香，不太膩，豬頸肉不太乾身，味道剛好，但麵既份量略少。「千層朱古力西多」淨睇賣相已經好吸引啦！食落不會太甜，麵包炸得剛好，不太燶，好好味。